2 patay sa killer truck

DEDBOL ang dalawang magsasaka habang nasa ma­­hi­git 20 ang sugatan sa pag­tagilid ng trak sa Cota­bato, kahapon ng umaga.

Kinilala ang mga nasawi na sina Akraman Aluyudan, 31, at Huyaan Mamir, 27, kapwa residente ng Bgy. Gi­ling, Alamada.

Pasado alas-7:00 ng umaga nang mawalan umano ng kontrol ang driver na si Es­mail Manisin Tambag sa kanyang minamanehong Isuzu ELF truck nang maka­salubong nito ang motorsiklo na nag-overtake sa kanyang linya sa kahabaan ng natio­nal highway sa Bgy. Nala­paan.

Nagpagewang-gewang ang trak bago ito tumagilid sa kalsada.

Sinasabing galing umano ang trak sa Alamada na pa­tungo sa Bgy. Amas sa Kidapawan City para du­malo sa seminar ang sakay na mga bik­ima sa kanilang kooperatiba nang mangyari ang insidente.