Pambayad sa CP naiwan kuno, isinama sa bahay | BEBOT, NI-RAPE NG BUYER

ISANG 30-anyos na ba­bae ang umano’y ginahasa ng binebentahan nito ng cellphone sa Valenzuela City, kama­kalawa ng gabi.

Kinilala ni Valenzuela Police Chief OIC P/Col. Car­lito Gaces, ang suspek na si Ricardo Garcia alyas Bong, 52, na nadakip ng mga tauhan ng Police Commu­nity Precinct 3 sa Bgy. Ma­rulas.

Alas-11:00 ng Linggo ng gabi nang magkasundo ang biktima na itinago sa pa­nga­lang ‘Danica’ at ang suspek na magkita sa Bgy. Marulas para magkabayaran sa ibini­bentang smartphone ng bebot na bibilhin ni Garcia.

Gayunman, nagkunwari ang suspek na naiwan ang perang pambayad at inim­bita ang biktima na sumama sa kanyang bahay para roon magkabayaran.

Pumayag naman ang biktima ngunit, sa halip na bayaran ay tinutukan umano ng patalim ng suspek sa leeg ang biktima saka ginahasa.

Nang makatakas, humi­ngi ng tulong ang biktima sa mga pulis at ipinadakip si Garcia.