‘Di nagsuspinde kahit may deklarasyon na ang alkalde | BANTA SA UE: MATIGAS ANG ULO, LAYAS!

NAGBANTA si Manila Mayor Francisco ‘Isko’ Do­magoso na babawiin ang permit ng University of the East makaraang hindi sus­pendihin ang kanilang klase sa kabila ng kanyang dek­larasyon.

“University of the East, ‘wag matigas ulo n‘yo, ah. Nagdeklara na kami ng suspensiyon ng klase. Nga­yon, kung ayaw ninyong su­munod, umalis kayo sa Lungsod ng Maynila. We will withdraw your permit to ope­rate in the City of Ma­nila,” sabi ni Moreno ma­tapos makatanggap ng rek­lamo na sinuspinde lamang ng UE ang klase hanggang Grade 12.

Una nang inanunsiyo ni Moreno ang suspensiyon alas-9:49 ng umaga ngunit, alas-10:52 ng umaga nang suspendihin ng UE ang klase mula sa kinder hanggang Grade 12 batay sa kanilang Facebook page.

“Marami na akong na­tatanggap sa n‘yo, ngayon meron na naman. ‘Wag na­man. Makisama naman kayo sa Pamahalaang Lung­sod. Eh, ayaw n‘yo pa lang makinig sa‘min, eh, ‘di umalis kayo sa Maynila. You’re not welcome here,” ani Moreno.

“We are only after sa ka­ligtasan ng mga estudyante dahil ang mga magulang ay nag-aalala. Nothing more, nothing less,” dagdag pa ng alkalde.

Matapos ang banta ni Moreno, agad sinuspinde ng UE ang klase sa lahat ng level sa Maynila at maging sa Caloocan branch nila.