Para iwas-kotong | TRAFFIC ENFORCERS BAWAL MAG-ABANG, MANGHUHULI SA ILALIM NG TULAY, PUNO ETC.

NAGBABALA si Ma­nila Mayor Francisco ‘Isko’ Domagoso na mawawala na ang kotong sa kalsada ka­sabay ng pagpapatupad ng ‘one strike policy’ sa natu­rang lungsod.

Ito ang makailang beses na binanggit ni Domagoso sa kanyang inaugural speech matapos ang panunumpa kay Supreme Court Chief Justice Lucas Bersamin sa Bulwagang Villegas ng Ma­nila City Hall.

“Mawawala ang ko­tong. Mawawala ang mga nag-aabang at manghuhuli sa ilalim ng tulay o punong- kahoy. One strike policy will be implemented,” ani Mo­reno. Partikular na tinukoy nito ang mga traffic enforcer na masipag umanong mag­sulat ng parking ticket.

“Ang principal na ga­wain ng isang traffic officer ay mag-manage ng traffic at hindi magsulat ng parking ticket. At dapat araw-gabi, rain or shine, nasa puwesto. Walang pinipiling pana­hon,” dagdag pa nito.