Kasunduan nina P-Duterte at Chinese Pres. Xi Jinping, mga Pinoy ang agrabiyado!

PABLO L. HERNANDEZ III / PRANGKAHAN

HANGGANG NGA­YON, GINAGAWANG KATATAWANAN ANG SABLAY NA STATEMENT NI SENATE PRES. SOTTO—Hang­gang ngayon ay ginaga­wan pa ring katatawanan o memes ng mga netizen sa social media ang sinabi ni Senate Pres. Vicente “Tito” Sotto III na puwedeng mangisda sa karagatang sakop ng Pilipinas ang mga Chinese dahil ang huhulihin lang daw ng mga ito ay ang mga ‘isdang Chinese’ na maaaring napadpad daw sa West Philippine Sea (WPS).

Next time, sana, bago magbigay ng statement si Senate Pres. Sotto tung­kol sa national issue ay isipin niyang siya ay Se­nate President at hindi komedyante sa pelikula, boom!

◘◘◘

TALO ANG MGA PINOY SA KASUN­DUANG GINAWA NI P-DUTERTE SA CHI­NA — Agrabiyado ang mga Pilipino sa pinasok na kasunduan ni P-Du­terte kay Chinese Pres. Xi Jinping tungkol sa pangi­ngisda sa dagat ng Pilipinas.

Ang mga Chinese ay puwede nang mangisda sa teritoryong sakop ng Pilipinas, pero ang mga Pinoy, hindi puwedeng mangisda sa teritoryo ng China, buwisit!

◘◘◘

IMBES NA UNA­HIN ANG SUBWAY, PAGTUUNAN MUNA ANG PROBLEMA SA BAHA—Naperhuwisyo na naman ang publiko sa baha dulot ng malakas na buhos ng ulan.

Hay naku, dapat pag­tuunan muna ng pansin ng Duterte gov’t. na maso­lusyunan ang problema sa baha at hindi ‘yung panay ang pabida nila na mag­papagawa raw sila ng subway kasi sa totoo lang, hindi mapakikinabangan ang subway kung lulu­bugin din ito ng baha, period!

◘◘◘

‘RAMON’, ‘MEDY’ AT ‘JUN MORIO­NES’, HINDI LANG SA MAYNILA MAY RA­KET KUNDI PATI SA PALAWAN AT MIN­DORO—Bukod daw sa may pa-lotteng na sa Maynila si “Jun Morio­nes” at ang mag-asawang “Ramon” at “Medy” ay may pa-jueteng pa rin daw sila sa Palawan at Mindoro.

Grabe ang raket ng mga iligalistang ito kasi dati sa Maynila lang sila nanraraket, ngayon pati sa mga probinsiya, nakapan­raraket na sila, mga pwe!