Hirit ng PAGASA sa publiko, maging alerto sa mga pagbahang dulot ng bagyo

RYAN B. SISON / BOSES

ANG love parang bagyo ‘yan, mahi­rap i-predict kahit may ‘pag-asa’ naman.

Sa mga nagdaang araw, malakas na ulan ang ating naranasan kung saan naging pahirap ito sa mamamayan na nagko-commute kapag pumapasok o umuuwi galing sa opisina.

Bagama’t, naibsan nito ang init na naramdaman natin noong mga naka­raang buwan, kailangan pa rin nating mag-ingat sa mga pagbahang maaari nating maranasan.

Kaya, naglabas ng general advisory ang Philippine Atmospheric, Geophy­sical and Astronomical Services Admi­nis­tration (PAGASA) kung saan higit na pinag-iingat ang mga residente na ma­lapit sa ilog, gayundin, ang mga rehi­yong matatamaan ng Bagyong Egay.

Kabilang dito ang Central Luzon, Region 4-A at Region 4-B.

Samantala, mainam kung iiwasan muna ang pagta-travel kung hindi naman kinakailangan nang sa gayun ay masiguro ninyo ang inyong kaligtasan.

Dagdag pa rito, maging alerto at dapat i-monitor ang lagay ng panahon, araw-araw.

Keep safe, mga ka-BULGAR!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.