7 kulong sa droga

PITONG hinihinalang sangkot sa iligal na droga kabilang ang 15-anyos na lalaki ang arestado sa isinagawang simultaneous anti-criminality and law enforcement operation sa Navotas City.

Kinilala ni Navotas Police Chief P/Col. Rolando Balasabas ang mga naarestong suspek na sina Joland Sta. Maria, 33; Rodolfo Verdadero, Jr., 28; Francisco de Jesus, 46; Maricel Guarte, 42; Jose Ibanez, 34; Benedicto Tan, 32, at ang 15-anyos na binatilyo.

Sa imbestigasyon ni PCpl. Catherine Buella, alas-11:30 ng gabi nang magsagawa ng operasyon ang mga operatiba ng Station Drug Enforcement Unit sa pangunguna ni PLt. Eric Rozas sa Market 3, Bgy. NBBN na nagresulta sa pagkakaaresto sa mga suspek.

Narekober ang limang sachets na naglalaman ng hindi pa mabatid na dami at halaga ng hinihinalang shabu.