4 adik timbog sa pot session

BENGUET—Apat na drug addict ang dinakip ng pulisya nang mahuli sa aktong nagsasagawa ng pot session, kamakalawa sa bayan ng La Trinidad sa lalawigang ito.

Kinilala ang mga suspek na sina Mark Nugal, Raymark Granil, Stafin Olsem at Aruel Dagyem, pawang nakatira sa nasabing bayan.

Nabatid na nahuli sa akto ng mga awtoridad ang mga suspek na nagpa-pot session sa isang bahay sa naturang bayan.

Nakakumpiska ang pulisya ng ilang sachets ng shabu, mga kagamitan sa pagsinghot ng iligal na droga at sa kasalukuyan ay nakapiit na ang mga suspek na nahaharap sa kasong paglabag sa Dangerous Drugs Act of 2002.