Bangkay sa septic tank, buking

BUKOD sa mga dro­gang nasamsam sa buy-bust opera­tion, nadiskubre rin ang bangkay na inilibing sa septic tank ng mga nahuling suspek sa Bacoor City, Cavite, ka­hapon.

Ayon sa ulat mula sa tang­gapan ni Police Colonel Wil­liam Segun, alas-3:00 ng madaling-araw nang ikasa ang buy-bust operation sa Bgy. San Nicholas 3.

Nahuli ang mga suspek na sina Jimmy Ecleo, Jhune Alexis, Albert Almojuela, Michael Angelo Ranay, Randy Abulencia, Alberto Diche, Arsenio Amante at Jhon Sazar.

Matagal nang may tip sa pulisya na may pinatay ang gru­po at doon na ku­manta si Ecleo na inilibing nila sa septic tank ang isang alyas Buboy sa ginagawang bahay na pag-aari ng mga suspek. Kuwento pa nito, dati nilang kasama ang biktima pero, napaghinalaang asset ng pulisya kaya pinatay uma­no ng grupo at doon ini­li­bing.

Agad tinungkab ang ila­lim ng lababo at doon uma­linga­saw ang masang­sang na amoy ng bangkay. Kilala ang grupo sa ille­gal drug trade sa lugar at karatig-bayan nito at bukod dito ay pawang mga gun-for-hire rin ang mga ito.