Nilayasan ng mag-iina | MISTER NAGBIGTI

DEDO ang 42-anyos na construction worker matapos magbigti makaraang iwan ng kanyang live-in partner kasama ang kanilang dalawang anak sa Valenzuela City.

Kinilala ang biktima si ‘Elcid’, ng Bgy. Lingunan.

Alas-7:50 ng umaga nang magtungo si Rosendo Juliano, tiyuhin ng biktima sa bahay ng kanyang pamangkin upang bigyan ito ng pagkain subalit, wala umanong sumasagot.

Nagtungo sa likod ng bahay si Juliano at laking-gulat nito nang makita ang pamangkin na nakabigti sa bakal na tangke ng tubig gamit ang nylon cord.

Lumabas sa imbestigasyon na dumaranas ng depresyon ang biktima matapos layasan ng kanyang live-in partner noong nakaraang linggo kasama ang kanilang dalawang anak dahil sa madalas nilang pag-aaway.