VP Leni tinawag na boba, hirit ng Palasyo | SEC. LOCSIN, MANA LANG KAY P-DIGONG

IPINAGTANGGOL ng Malacañang ang maku­kulay na pananalita umano ni Foreign Affairs Secretary Teodoro Locsin, Jr., na tulad din umano ng estilo ni Pa­ngulong Rodrigo Duterte.

Ayon kay Presidential Spokesman Salvador Pa­nelo, kaya nakuha ng pangulo ang paghanga mula sa inter­national community dahil sa matatapang na pananalita nito.

“Ang presidente natin ‘di ba, ganundin ang style? Pero kita mo naman ang epekto. Look at the effect when he curses Obama, ‘di ba? Bigla siyang tiningala ng buong mundo as an emerging world leader,” ani Panelo.

“He (Duterte) stood up. Kung minsan marami ring nagagawa ‘yang mga gan­yan,” giit ni Panelo.

Ipinaliwanag din ni Pa­nelo ang mga naging kontro­bersiyal na pananalita ni Duterte laban kay Obama at sa European Union kaug­nay sa war on drugs ng gob­yerno.

Matatandaang, sa kan­yang twitter, tinawag ni Loc­sin na “boba’ si Vice Pre­sident Leni Robredo mata­pos itong magbitiw ng mga komento tungkol sa pagkan­sela sa mga diplo­matic pass­port.

Gayunman, agad ding humingi ng tawad ang kali­him sa kanyang binita­wang pahayag.

“Siguro something trig­gered him to say that. Sabi ko nga siguro out of exas­peration. He was ex­pecting more from a lawyer (like Robredo),” sabi ni Panelo.

“Kung acceptable ‘yun hindi na sana siya nag-apologize,” dagdag pa ni Panelo.