Mag-isa habang nasa loob ng kuweba
Salaminin natin ang panaginip ni Ami ng Ami +Hori @facebook.com
Dear Professor,
Ano ang ibig sabihin ng panaginip na nasa loob ako ng kuweba, tapos ang lungkot ko at nag-iisa lang ako nang biglang may malaking kamay ng babae na nagliliwanag?
Naghihintay,
Ami
Sa iyo Ami,
Ipinapayo sa iyo ng iyong panaginip na kapag hindi mo na makayanan ang iyong mga problema o mga alalahanin sa buhay, pumasok ka sa iyong kuwarto, isara mo ang lahat ng bintana at pinto at kausapin mo si God.
Ito ang sinasabi ni Lord Jesus Christ tungkol sa tamang pagdarasal. Dagdag pa Niya, sa ganitong paraan ay lihim mong makakausap si God at ang kanyang pahabol ay kakausapin ka rin ni God nang palihim. Sobrang mahiwaga ang turo ni Lord, kaya ano ang mga katotohanan sa buhay ng tao sa likod ng mga sinabi ni Jesus?
Ang “lihim” na pagdarasal ay ‘yung walang letrang lalabas sa bibig mo, kaya ang talagang pagdarasal ay sa puso at isipan.
Nasubukan mo na ba ang meditation? Paano? Pumunta ka sa tahimik na lugar at magpokus ka.
Mahirap man paniwalaan, ikaw o ang iyong espiritu at si God sa sandali ng pananahimik at kawalang paggalaw ay mag-uulayaw.
‘Yung “mag-uulayaw”, iha, ay magkakaroon ng relasyon.
Muli, iha, kapag pinahihirapan ka ng mga problema at alalahanin, gawin mo ang nasa itaas. Makaaasa ka na si God mismo na nagmamahal sa iyo ay ituturo sa iyo ang daan kung paano ka liligaya at ang mga suliranin mo ay mawawala lahat.
Ito ang ibig sabihin ng nasusulat sa Bibliya tungkol sa pagkausap kay God nang palihim.
Hanggang sa muli, Professor Siegusmundo del Mundo
Comments