P68 milyong shabu sa Chinese teabag, buking

NASA kabuuang P68 milyong halaga ng shabu ang nasamsam ng mga awtoridad sa isang drug suspect sa Lipa City, Batangas, kahapon.

Binubuo ito ng 10 selya­dong Chinese teabag na naglalaman ng hinihinalang iligal na droga na nasa 10-kilo ang bigat.

Kasabay ng operasyon ang pagkakadakip sa suspek na si Eugene Fernandez, nang salakayin ng Batangas Provincial Police Office-Pro­vincial Intelligence Branch, Mobile Force Company-SWAT, Drug Enforcement Unit, Lipa City Police at Phi­lippine Drug Enforcement Agency-Regional Office 4, alas-2:30 ng hapon sa Bgy. San Francisco.

Nasamsam din sa poses­yon ni Fernandez ang cal. 45 pistol colt MK IV, magazine na may 8 bala, tuyong dahon na hinihinalang marijuana marked, dalawang halamang marijuana na nakatanim sa paso at digital weighing scale.

Ikinasa ang operasyon sa bisa ng search warrant na ipi­nalabas ni Hon. Judge Cyn­thia Mariño Ricablanca ng Regional Trial Court-Tana­uan City.