Covered court gumuho, 9 estudyante nadale

SIYAM na high school students ang sugatan maka­raang mabagsakan ng bu­bungan ng gumuhong co­vered court sa isang paara­lan sa Zamboanga City, kahapon.

Isinugod ang mga bik­tima sa Labuan Public Hospital sanhi ng tinamong mga sugat sa ulo at katawan.

Ayon sa pulisya, alas-8:30 ng umaga nang maga­nap ang insidente sa loob ng Sinubong National High School habang nasa kalagit­naan ng klase.

Ang naturang covered court ay napag-alamang ginagamit ng ilang mga mag-aaral bilang pansamantalang classroom.

Sinasabing ang malaking volume ng tubig mula sa walang tigil na pag-uulan nitong Sabado at naipon sa bubungan ang dahilan ng pagguho. Nasa P4 milyon naman ang halaga ng pinsala sa nabang­git na covered court.