Trak, lumubog sa kalsada

NALAGLAG sa mala­king lubak ang 14-wheeler truck na may kargang tone­ladang buhangin na idi-de­liver sana sa Manila Bay, kahapon ng madaling-araw sa Maynila.

Ala-1:00 ng madaling-araw nang mangyari ang insidente sa Roxas Boule­vard kanto ng Remedios St., Malate.

Galing umano sa Pam­panga ang trak na minama­neho ni Michael Lagco at may tatak na Manila Bay Task Force na papunta sa Manila Baywalk upang ide­liber ang mga buhangin nang bigla na lang itong ma­hulog sa sinkhole.

Hindi naman nasugatan si Lagco at kanyang dala­wang helper at wala ring mga motorista o tao sa lugar na na­damay sa pangyayari.

Nabatid na daraan sana sila sa Roxas Boulevard pero, dahil sa Manila Marathon 2019 event ay pinalipat sila ng traffic enforcers sa lugar sa service road.

Sasampahan ng kauku­lang kaso ang driver ng trak at pananagutin umano sa pin­salang nangyari dahil sa insidente.