Aktor, dating member ng Phil. Scout, ashes kaya gustong isaboy sa Manila Bay… BUROL NI EDDIE, BANTAY

Nitz Miralles / BIDA

NAG-SHARE si John Arcilla ng natutunan niya kay Eddie Garcia at ang caption niya sa ipinost niyang photo nila ng veteran actor ay: “Sabi ni Tito Eddie, ‘When you heard something bad about other people. Stop spreading the rumor. End it by keeping it to yourself.’ Such a noble principle from someone who works in show business and one of the pillars of the Philippine Film Industry. Magandang gabi at mabuhay ka, Tito Eddie.”

Samantala, sa vigil sa remains ni Eddie Garcia, nagpadala ang Philippine Army ng mga sundalo para sa memorial service ng veteran actor. Bukod doon, naglagay din ng Philippine flag sa tabi kung saan nakalagay ang urn ng veteran actor.

Dahil ito sa dating member si Eddie Garcia ng Philippine Scout at sabi ng Philippine Army, ang deployment ceremony niya at ng ibang Philippine Scout sa Okinawa, Japan ay ginawa sa Luneta. Ito raw ang rason kung bakit wish ni Eddie na isaboy sa Manila Bay ang kanyang ashes.

Pero hindi na raw isasaboy ang ashes ni Eddie sa Manila Bay dahil pagkatapos ng vigil sa Heritage Park kagabi, dinala ito sa Bicol at pagkatapos, ilalagak ang abo niya katabi ng ama ng partner niyang si Lilibeth Romero. Ayon ito kay Bibeth Orteza na close friend nina Eddie at Lilibeth.