SUV sumalpok sa poste, 6 nadale

ANIM na magkakamag-anak ang sugatan makaraang sumalpok ang SUV sa kongkretong poste sa Bgy. Boalan, Zamboanga City.

Sa lakas ng pagkakabangga, natumba ang poste saka bumagsak sa katabing tindahan.

Nasira rin ang harapan ng isang kotse na nabangga rin ng SUV.

Sa panayam kay Police Staff Sgt. Marlon Fernando, anim sa mga sakay ng SUV ang nagtamo ng minor injuries, kabilang ang driver nito.

Posible umanong pumutok ang isa sa mga likurang gulong ng SUV kaya nawalan ng kontrol ang driver nito saka sumalpok sa poste.

Agad namang isinugod sa ospital ang mga sugatan.

Nangako rin ang driver ng SUV na babayaran ang lahat ng mga nasirang ari-arian, kasama na ang nadamay na kotse. (BRT)