Rider at angkas sapol sa trak
- Maeng Santos
- Jun 23, 2019
- 1 min read
ISANG rider at kanyang 18-anyos na angkas ang sugatan matapos masapol ng trak sa Navotas City, kamakalawa ng gabi.
Ginagamot sa Tondo Medical Center sanhi ng mga sugat sa katawan sina Fernan Bulan, 26, ng Langaray, Caloocan City at kanyang angkas na si Jamille Ebajo ng Bgy. Longos, Malabon City.
Ayon kay Navotas Police Chief P/Col. Rolando Balasabas, alas-9:45 ng gabi, sakay ang mga biktima ng motorsiklo habang binabagtas ang kahabaan ng C-3 Road patungong R-10 nang mahagip sila ng trak.
Sa lakas ng impact, tumilapon ang mga biktima habang humarurot patakas ang driver ng trak.
Ani Col. Balasabas, patuloy ang follow-up operation ng kanyang mga tauhan sa posibleng pagkakilanlan at pagkakaaresto sa truck driver.
Comments