P-Digong umamin | UMIINOM AKO NG SLEEPING PILLS

INAMIN ni Pangu­long Rodrigo Duterte na umi­inom siya ng sleeping pills.

Ayon kay Duterte, umi­­inom siya ng stilnox na ga­mot na inireseta sa kanya ng kanyang doktor para sa short-term treat­ment ng in­somnia, parti­kular sa mga matatanda.

Malaking tulong aniya ang gamot dahil oras na ma­kainom siya nito ay para na niyang nakum­pleto ang wa­long oras na tulog kahit anim na oras lang siyang nahiga sa kama.

“I take stilnox to sleep. Prescribed ‘yan. Tulog ka talaga because stilnox ma­katulog ka lang ng six hours, pa­rang nag-hit ka ng mga eight because not even dreams, wala sarado ta­laga,” pa­li­wanag ni Du­terte sa kan­yang talum­pati sa Davao City.

Matatandaang, ina­min din noon ng Punong Eheku­tibo ang pag-inom ng fen­tanyl dahil sa ma­tinding sakit sa kanyang spinal cord na du­lot ng pag­kakaaksidente niya sa motorsiklo ilang taon na ang nakalilipas.

Ang fentanyl ay ini­reseta sa pangulo ng kan­yang dok­tor kung saan hinahati niya sa apat na piraso at iniinom nito ng isang beses kada da­la­wang araw.

Ilang beses ding napa­ulat na may malubhang sakit umano ang Chief Exe­cutive bagay na iti­nanggi ng Ma­la­cañang.