Pamilya Duterte, wala pang ‘manok’ sa pagka-House Speaker

PUMALAG si Con­gressman Alan Peter Caye­tano kaugnay sa umano’y bulok na estilo ng panga­ngampanya ni Rep. Allan Lord Velasco sa pagka-House Speaker.

Nabatid na una umanong pinalabas ni Velasco na siya ang ‘sponsor’ sa pa-dinner ni incoming Cong. Paolo ‘Pulong’ Duterte sa Mala­cañang kasama si Pangulong Rodrigo Duterte, na hindi sinasabing totoo.

Pangalawa, ang ‘text blast’ na galing sa opisina ni Velasco na nag-aanyaya para sa oath-taking sa Malaca­ñang na pumumunuan ng pa­ngulo pero, noong i-double check ay ‘event’ umano ni Senator-elect Christopher ‘Bong’ Go sa lahat ng tu­mulong, kabilang ang mga mayor, councilor at iba pa para sa mass oath-taking.

Ani Cayetano, dapat patas ang laban at huwag manloko upang masungkit ang boto ng mga kapwa con­gressman at huwag palita­win na may ‘solid support’ siya sa pagka-Speaker.

Sumang-ayon naman dito ang mga mambabatas at nagsabing dapat dumiskarte nang maayos at hindi ibini­bida na manok ng Pamilya Du­terte.

Una rito, sinabi ng pa­ngulo na mas gusto pa niya na maging ‘free zone’ ang la­banan sa House Speaker.

Ang mga nag-ambisyon sa pagka-House Speaker na sina Cayetano, Velasco, Mar­tin Romualdez at dating House Speaker Pantaleon Alvarez ay mga kaibigan ng pa­ngulo.