Alamin mula kay Señor... KAALAMAN TUNGKOL SA KASAYSAYAN NI JOSEPH, “THE DREAMER”

Sr. Socrates Magnus II

Bigyang-daan natin ngayon ang pagpapatuloy sa kasagutan sa email ni Robert ng Robert_Robert @facebook.com

Sa iyo Robert,

Tulad ng nasabi na, nga­yong June 21, magaganap ang ti­na­tawag na “the sum­mer solstice” kung kailan ang Ha­ring Araw ay nasa kan­yang pinakamataas na kala­gayan. Pagkatapos ay pa­ba­ba na nang pababa ang araw, ga­yunman, mataas pa rin ang kanyang kalagayan hang­­gang sa dumating ang “the winter solstice” sa bu­wan ng Dis­yembre kung saan ang Ha­ring Araw ay nasa kan­yang pinakamababang ka­laga­yan.

Isang kaganapan ito sa kalangitan, pero sa buhay ng tao, ito ay pangkaraniwang pangyayari na tulad ng na­sabi na natin, ang taong uma­bot sa pinakamataas na tugatog ng tagumpay ay tu­lad ng nasa summer solstice na siya ay pababa nang pa­baba.

Sa iba, malungkot ito da­hil mahirap tanggapin ang katotohanang nasa itaas ka tapos ay mapupunta ka sa ibaba. Ano ang magandang ga­win kapag mapansin ng tao na nagsisimula na ang kan­yang pagbaba?

Ang dapat gawin ay ang kumuha ng kaalaman o ka­runungan sa kasaysayan ni “Joseph, the dreamer” na nasusulat sa Bibliya. Ayon sa kanya, darating ang pana­hon ng taghirap sa buong ka­harian, kaya pina­yuhan niya ang hari na mag-imbak ng mga pagkain nang sa gayun ay hindi sila ma­kara­nas ng ka­gutuman ka­pag du­mating na ang hindi kayang mapigi­lang panahon ng tag­hirap.

Sa nasabing matandang kuwento, makikita nating, ang mga nabubuhay sa ka­rangyaan, kayabangan at sa kalabisan na akala ay hindi na sila maghihirap pa ay ang magiging unang biktima ka­pag ang kanilang personal na “the summer solstice” ay nangyayari na sa buhay nila.

Kaya marami tayong na­babalitaan na dating sob­rang yaman, pero ngayon ay mahirap pa sa daga, ga­yun­din, maraming may hawak ng matataas na ranggo sa buhay na ngayon ay umaasa na lang ng tulong sa taong pangkaraniwan.

Hindi rin maikakaila na may ilang umaasta na sila ay Panginoon, pero ngayon ay nangangailangan ng tulong sa mga taong kanilang inapi. Sila na dating kinikilala da­hil sa magandang kalagayan sa buhay, ngayon ay naki­kilala na dahil sa masaklap na paghihirap sa buhay.

Ang isa pang mahala­gang katanungan ay puwe­de ba itong hadlangan?

(Itutuloy)