Manager todas sa riding-in-tandem

TUGUEGARAO CITY—Isang manager ang namatay at sugatan naman ang babae nang barilin sila ng riding-in-tandem, kamakalawa sa Bgy. Caritan Centro sa lungsod na ito.

Nakilala ang nasawi na si Simeon delos Santos, samantalang, ang sugatan ay si Mozaliza Esquibel, kapwa nakatira sa naturang lungsod.

Ayon sa ulat, nakasakay sa kotse sina Delos Santos at Esquibel nang pagbabarilin sila ng dalawang hindi kilalang lalaki na nakasakay sa motorsiklo.

Nagpalabas na ng manhunt operation ang mga awtoridad para madakip ang mga suspek.