11 ANG MAGHAHARAP SA 3 YO LOCALLY BRED

MAGHAHARAP ang 11 kalahok sa 2019 Philracom “3 Year Old Locally Bred Stakes Race” sa Hunyo 23 sa Saddle & Clubs Leisure Park sa bayan ng Naic, lalawigan ng Cavite.

Tatahakin ng mga kasali ang distansiyang 1,800 meters at tatanggap ng P300,000 ang mananalo, habang tatanggap ang 2nd place ng P112,500 at makatatanggap ang 3rd place ng P62,500, mapupunta naman sa 4th place ang halagang P25,000.

Ayon sa Philracom, kinumpirma ang pagsali ng Always Ready na sasakyan ni Jockey RD Raquel, Brandy Drinker na papatnubayan ni Jockey J A Guce, Electrify na rerendahan ni Jockey J L Lazaro, Gepnits na sasakyan ni Jockey C.S. Pare Jr., Humidor na rerendahan muli ni Jockey Dan Camanero, Iikot Lang ni E G. Guerra, Kentucky Rain ni Jockey R O Niu Jr., Mount Dulang Dulang ni M.A. Alvarez, My Sheltex ni Jockey J.B. Guce, Silab na sasakyan ni A.R. Villegas at Weather Lang na rerendahan ni Jockey Jonathan B. Hernandez.

Samantala, matutunghayan ng publiko ngayong gabi ang “Additional One Win in Group Races” sa 6 na karera sa San Lazaro Leisure Park, Carmona, Cavite. Maglalaban sa Race 1 ang pitong kalahok sa 3 Year Old Group Race (6-7) na umpisa ng Pick 6 ang Melody Amor, Early Bird at Makarit.

Sa Race 2, ipinapatok ang Yes Kitty at posibleng tumalo ang Dare To Be habang sa Race 3, nakalalamang ang entry No.3, habang magsisilbing katunggali ang Breaking News.

Magsisilbing patok ang El Debarge habang makakalaban ang Hamlet at King Bull sa Race 4. Ipinapatok ang Claudia’s Pride habang makakalaban ang Noh Sen Young Yana sa Race 5.

Maituturing na mahigpit na magkakalaban ang Super Swerte at Lady Zip sa Race 6. Tip ni Mang Ding: Race 1- Marikit (3) Melody Amor Early Bird (5) Race 2- Yes Kitty (3) Dare to Be (2) Race 3- Entry No.3 Breaking News (7) Race 4- El Debarge (6) Hamlet (5) Race 5- Claudia’s Pride (3) Noh Sen Young Yana (4) Race 6- Super Swerte (2) Lady Zip (1)