Coed, kulong sa P3 milyong droga

NADAKIP ng Bacoor Police ang isang 3rd year college student na naku­ha­nan ng may mahigit sa 3 mil­yong pisong halaga ng ma­rijuana sa buy-bust operation sa Bgy. Molino 4, Bacoor City, Cavite.

Kinilala ang suspek na si Daniel Mendoza alyas Daniel, 24, freelance dan­cer.

Sa isinumiteng ulat ni Police Supt. Vicente Ca­bati­ngan kay Cavite Pro­vincial Director Sr. Supt. Wil­liam Segun, isang ma­lawa­kang drug-bust ope­ration ang kanilang inila­tag laban sa nasabing es­tudyante mata­pos ang may ilang araw ni­lang pag­­subaybay dito.

Alas-7:50 ng gabi ka­sa­ma ang grupo ng SDET Ba­coor at ilang miyem­bro ng PDEA Cavite at PDEA 4A, inilatag ang ope­rasyon sa ba­hay nito kung saan isa sa kapu­li­san ang tuma­yong buyer at nakaiskor ng mari­juana sa suspek.

Nakumpirma na hindi lang marijuana ang na­kum­piska sa suspek kun­di im­ported marijuana pa na mas kilala sa tawag na kush na mas mahal ang bentahan.

Nakumpiska rito ang apat na sachets na nagla­la­man ng mga buto at pi­na­tu­yong dahon ng kush at mga kasangkapan.

Sa kabuuan, aabot ng mahigit sa 446 gramo ng kush na aabot sa P3,032,800 ang nasam­sam.

Nauna rito, naaresto ang dalawang sinusupla­yan ng suspek na sina Chira Aud­rey Trin­chera, 20, 1st year college stu­dent at Jonathan Du­malao, 41, cons­truction worker na silang nag-tip umano sa supplier nila na si Mendoza.