Babaeng naiinis sa bestfriend na unfair

Dear Roma,

Ako si Merriam, call center agent. Graveyard shift ako sa pinapasukan ko. May friend akong nag­yayaya sa akin na ma­masyal. Ang pasok niya ay morning shift, pero tu­wing may lakad, nagpa­pabago siya ng schedule niya, pero kami, hindi pu­wedeng masu­nod sa sche­dule. Kahit pagod na pa­god at antok na antok na ako, hindi ko siya ma­hindian dahil best­friend ko siya. Iniisip ko na baka may gusto talaga siyang bilhin kaya kahit puyat, maaga akong gumagayak para sa lakad namin. Ang nakaiinis lang, Roma, bigla siyang nag-cancel ng lakad. Ilang ulit na itong nangyayari at med­yo nakararamdam na ako ng inis dahil alam niyang graveyard shift ako. — Merriam

Merriam,

Marahil makabubuti kung ipaaalala mo sa kanya ang sitwasyon ng iyong tra­baho dahil minsan, nagiging makalilimutin din ang mga tao. Maganda rin kung ipa­aalam mo sa kanya na na­iinis ka sa pamamagitan ng mahinahong pakikipag-usap at sabihin mo sa kan­yang hindi mo siya mahin­dian dahil alam mong may gusto siyang bilhin. Sa pa­raang ito, bukod sa malala­man niya ang kahalagahang ibinibigay mo sa kanya bi­lang bestfriend niya ay ma­lalaman din niyang nagpa­pakatotoo ka. Paraan din ito para kung sakali mang du­mating ang punto na kaila­ngan mong humindi sa mga kahilingan niyang lakad, eh, maiintindihan ka na niya. Gets mo? God bless you!