Suspek sa pag-ambush sa prosecutor | 2 TIGOK SA MGA PULIS

NAPATAY ng pulisya sa ikinasang operasyon ang dalawang suspek sa pananambang kay Oriental Mindoro Provincial Chief Prosecutor Josephine Caranzo.

Ito ang ipinahayag ni Police Brigadier General Tomas Apolinario, Regional Director ng Police Regional Office 4B.

Ayon kay Apolinario, nakipagbarilan ang dalawang suspek sa mga pulis sa Calapan City, alas-8:00 ng umaga ng Lunes.

Noong June 10, pinagbabaril si Caranzo habang papasok sa kanyang bahay sa Bgy. Uno, Calapan City.

Kasalukuyang ginagamot si Caranzo matapos isailalim sa operasyon dahil sa tinamong mga tama ng bala sa ulo at katawan.

Nakuha naman sa lugar ng engkuwentro ang mga baril na ginamit ng dalawang suspek na patuloy pang inaalam ang kanilang pagkakakilanlan.