AUSSIE, CHAMP SA STAGE 3 NG LE TOUR DE FILIPINAS

NAGWAGI ang Australian cyclist na si Samuel Hill ng Team Nero Bianchi sa Stage 3 ng Le Tour de Filipinas sa Legazpi, Albay kahapon.

Naorasan ng 4 hours, 33 minutes at 12 segundo, ang 23-anyos na rider na tumuntong sa finish line para sa una niyang stage win sa Union Cycliste Internationale (UCI)-sanctioned event.“It couldn’t feel possibly better,” aniya matapos ang 183.7-kilometer leg mula Bagasbas Beach sa Daet, Camarines Norte. “This is the best feeling ever. Yesterday, it was such a bad day. I was quite sad about what happened that I dropped from the break. So to win today, I can’t really express it any other way. It means so much,” sa panayam ni JR Isaga.

Una rin sa naturang 5-stage event, ang dalawang Pinoy riders na sumampa rin sa podium finish ilang minuto matapos na mamuno si Hill ay sina Dominic Perez (4:34:03) ng Team 7-Eleven Cliqq-Air21 ng Roadbike Philippines (7RP) at 2014 Le Tour champion Mark Galedo (4:34:06) ng Celeste Cycles-Bianchi Philippines.

Si Hill, kasama sina Perez at Galedo, ay maagang kumalas sa peloton at nanatili ang layo ng halos 2 minuto hanggang sa final stretch ng karera. Doon na siya umalagwa sa huling 10-km sa gitna ng magandang tanawin sa Mayon Volcano sa Daraga at doon na niya pinakain ng alikabok ang Pinoy duo.

Plano na raw ni Hill na bumanat sa huling bahagi ng pedalan. “Last 10 kilometers, I knew it was gonna be downhill,” aniya. “Because I go downhill pretty well, I thought if I could just get a head start on the downhill I should be aerodynamic and be able to stay away. That was the plan basically as soon as the break started.”

Aminado naman si Perez na mabilis talaga si Hill pero masaya na siya dahil sa magandang momentum niya sa finish simula ng unang dalawang leg ng pedalan. “Opo, [ganado],” aniya. “‘Di pa tapos ang laro eh.” (ATD/MC)