FDA sa Shopee at Lazada: PAGBEBENTA NG GAMOT, STOP!
PINATITIGIL na ng Food and Drugs Administration (FDA) ang Shopee Philippines at Lazada Philippines sa pagbebenta ng mga gamot tulad ng antibiotics at steroids.
Ayon sa FDA, isinilbi at ipinatupad na ng kanilang Regulatory Enforcement Unit, ang Summons with Preventive Measure Order (SPMO) na nag-aatas sa Shopee at Lazada para sa agarang pagpapatigil ng online selling at offering ng mga drug product hangga’t hindi pa sila nakakakuha ng kaukulang License to Operate (LTO) mula sa FDA.
“In line with this (advisory), the FDA strengthens the enforcement on the online selling of health products. Major online selling platforms, such as Shopee Philippines and Lazada Philippines, are strictly mandated to observe compliance in the said advisory,” pahayag ng FDA.
“The FDA, through the Regulatory Enforcement Unit, served and implemented Summons with Preventive Measure Order (SPMO) directing Shopee Philippines and Lazada Philippines under pain of direct or indirect contempt and/or other administrative sanc tions, to immediately CEASE AND DESIST from further online selling and offering for sale drug products until it has secured the appropriate License to Operate (LTO) from the FDA,” nakasaad pa sa pahayag ng FDA.
Una nang naglabas ng advisory na nagbabala sa publiko hinggil sa panganib na maaaring dulot ng internet sales ng mga gamot.
Nanindigan din ang FDA na ang patuloy na online selling ng mga produktong gamot ay maglalagay sa alanganin at panganib sa buhay ng publiko kaya pursigido silang ipatupad ang batas hinggil dito. Tiniyak naman ng FDA ang kanilang patuloy na monitoring sa implementasyon ng drug regulatory system sa bansa.
Pinayuhan din ng FDA ang publiko na agad na i-report sa kanilang tanggapan kung may nalalaman silang unauthorized sale o distribusyon ng drug products, sa report@fda.gov.ph o sa online reporting facility, na eREPORT, sa www.fda.gov.ph/ereport, o itawag sa Center for Drug Regulation and Research sa mga numerong (02) 809-5596.
Comments