Akala tubig, ininom | 14-ANYOS PATAY SA INSECTICIDE

NASAWI ang isang me­nor-de-edad na lalaki ma­tapos aksidenteng maka­­inom ng insecticide na ina­kalang tubig sa Ocampo, Camarines Sur.

Kinilala ang biktima na si John Axell Orcine, 14, na binawian ng buhay habang ginagamot sa ospital.

Batay sa imbestigasyon ng Ocampo Municipal Po­lice Station, naglaro ng bas­ketball ang biktima at nang umuwi sa bahay at sa sob­rang uhaw nito ay nainom ang naturang kemikal na na­kalagay sa disposable glass na inakalang tubig.

Gayunman, bigla na la­mang umanong nag-iba ang pakiramdam ng biktima hanggang sa itinakbo na ito sa ospital at doon kinumpir­ma ng doktor na lason ang nainom ng bata.

Tumagal pa ng ilang araw ang buhay ng biktima ngunit, binawian din ito ng bu­hay.

Patuloy na inaalam pa kung sino ang nakapaglagay ng naturang kemikal sa baso.