Malinaw ayon sa palad... PAMILYA NA NAKATAKDANG MAGING IMMIGRANT SA CANADA SA TAONG 2020

Maestro Honorio Ong

KATANUNGAN

1. Matagal na akong tagasubaybay ng inyong mga kolum, binata pa lang ako at hanggang ngayong may pamilya na ako. Naisipan kong su­mangguni sa inyo upang itanong kung matutuloy ba kami ng pamilya ko na maging immigrant sa Canada at kung matu­tuloy kami ay magiging successful kaya kami ru’n?

2. Kailan kaya kami makaaalis?

KASAGUTAN

1. Sadyang napaka­ganda at malawak ang Tra­vel Line (Drawing A. at B. t-t arrow a.) sa kaliwa at kanan mong palad. Kaya kung Travel Line (arrow a.) mo lang muna ang pag­babatayan, makaaalis ka ta­laga patungong abroad, ewan lang natin ang misis mo at ang iyong mga anak, kung tulad sa kaliwa at ka­nang palad mo ay may na­pakaganda rin silang Tra­vel Line.

2. Gayunman, tuturuan ka na lang namin kung pa­ano ang tamang pagti­ngin sa Travel Line na si­nasabi upang ikaw na lang ang sumuri sa kaliwa at kanang palad ng misis mo at ng inyong mga anak.

3. Ang Travel Line ay ang tila sanga na umusad palawak sa ilalim ng Life Line (Drawing A. at B. L-L arrow a at b.). Kapag may ganyang nakasanga na tila korteng letrang “y” na ba­ligtad sa dulong bahagi ng Life Line (arrow a at b.) sa kaliwa at kanang palad, ito ay malinaw na tanda ng ma­bunga at mabiyayang pangingibang-bansa.

4. Dagdag pa rito, ka­pag natagpuan ang Travel Line (Drawing A. at B. t-t arrow a. at b.) na nabanggit sa kaliwa at kanang palad ng walang hadlang o kum­rokes na guhit, tulad ng nasabi na, ito ay tanda ng mabunga at mabiyayang pangingibang-bansa.

5. Kapag may tila kumrokes na guhit o na­kahambalang na guhit (d-d arrow c.) sa kaliwa at kanang palad sa nasabing Travel Line (t-t arrow a. at b.), ito ay tanda ng dala­wang bagay: una, bago ma­kapag-abroad, mabi­bigo o daraan muna sa mga pagsubok ang indibid­wal, ngunit, sa paulit-ulit na pag­tatangka, sa bandang huli ay makapag-a-abroad din siya.

6. Ang pangalawang ibig sabihin ng may tila kum­rokes na guhit o naka­hambalang na guhit sa Tra­vel Line ay nagpapahiwatig na hindi masyadong ma­giging successful o mabu­nga ang nasabing pag-a-abroad.

Ngunit, tulad ng na­ipaliwanag na, kung ma­linaw at walang kumrokes na guhit sa Travel Line (t-t arrow a. at b.) sa kaliwa at kanang palad ito ay ma­linaw na katiyakan ng ma­bunga at mabiyayang pag-a-abroad.

DAPAT GAWIN

Sa ngayon, Mr. Libra, wala kang dapat gawin kundi ang ipagpatuloy lang ang pag-a-apply at pagha­hangad na maka­panirahan sa ibang bansa at lalo mo pang sipagan ang pagpa-follow-up ng inyong mga papeles, dahil ayon sa in­yong mga datos, tiyak ang magaganap, ma­aaring sa susunod na ta­ong 2020 hanggang 2021 sa edad mong 33 pataas, kusa ng matutupad ang malaon mo ng pangarap na maka­pag-Canada at ma­tapos ang mga ilang taon pa ay ma­aari ring sumunod ang iyong asawa at mga anak upang sa nasabing bansa, tuluyan na kayong magsa­sa­ma-sama at ma­kapa­ni­nirahan sa Canada nang masaya ang buong pa­milya.