Kararating lang sa Kuwait | OFW DINUKOT, NI-RAPE NG PULIS

DINUKOT at sinasa­bing hinalay ang isang Pili­pinang household service wor­ker (HSW) ng isang Ku­waiti police offi­cer na tu­mulong sa kanya sa loob ng air­port sa Kuwait nitong Hunyo 4.

Puspusan ang pakiki­pag-ugnayan ng Department of Foreign Affairs (DFA) sa pa­mamagitan ng Em­ba­hada ng Pilipinas sa Ku­wait, ang Ku­waiti authorities para sa ma­bilisang pag-ares­to sa sus­pek na umano’y hu­malay sa Pinay na hindi pina­ngalanan.

Ayon sa ulat sa DFA ni Embassy Chargé d’Affaires Mohd Noordin Lomondot, nag-isyu na ng warrant of arrest ang Kuwaiti authori­ties laban sa suspek na si Fayed Naser Hamad Alajmy, 22, Kuwaiti police officer.

Ani Lomondot, ang sus­pek na si Alajmy ang siyang umalalay sa naturang over­seas Filipino worker (OFW) para sa finger scanning re­gistration sa airport nang dumating ito sa Kuwait.

Sinasabing pagkatapos ng finger scanning registra­tion, dinukot umano ng sus­pek ang Pinay at hinalay.

Nakikipagtulungan sa Embahada ng Pilipinas at mga awtoridad ang emplo­yer ng nasabing Pinay.

Siniguro ng DFA na ga­gawin ng gobyerno ng Pili­pinas ang lahat ng hakbang upang makamit ng biktima ang hustisya.