Babaeng binu-bully kaya gustong lumipat ng school

Dear Roma,

Ako si Melody, top- notcher ako sa school na­min sa probinsiya. Nag­karoon ng magandang trabaho at malaking su­weldo ang ate ko sa May­nila kaya kinuha nila ako at dito pinag-aral. Dahil transferee ako, ma­dalas akong nakara­ra­nas ng pambu-bully sa mga ka­mag-aral ko sa pampub­likong paaralan. Tama bang mag-transfer na lang ulit ako? — Melody

Melody,

Sadyang mahirap mag-aral dahil bukod sa ma­hirap na nga ang mga sub­ject, exam at kung anu-ano pang activities, si­nabayan pa ng mga ka­mag-aral na bida-bida at bully. Sa buhay, hindi na­­tin maiaalis ang mga gan­yang klase ng tao, kaya makabubuti sigu­rong ka­usapin o ipagbi­gay-alam mo ito sa mga guro ninyo at maging sa dean ng inyong paara­lan, gayun­din sa mga magulang mo. Mahirap ang magpalipat-lipat ng paaralan dahil maa­aring maging magulo ang iyong record, pero kung magpapatuloy ang kanilang pambu-bully sa iyo at kung ayos lang sa iyong lumipat ng ibang paaralan, magan­dang subukan din ito alang- alang sa iyong ka­ligtasan. Mahirap mag-aral, pero mas ma­hirap ang walang pi­nag-ara­lan. Magsikap ka nang ma­igi at balang-araw, pa­tunayan mo sa kanila na ‘yung dati nilang bi­nu-bully ay isa nang ga­nap na propesyunal. Kaya mo ‘yan! God bless you!