Pera, alahas ng pasahero nilimas | GRAB DRIVER HOLDAPER

TIMBOG ang isang Grab driver ha­bang nagsasa­gawa ng Simultaneous Anti-Criminality Law Enforce­ment Operations (SACLEO) ang mga awtoridad nang hol­da­pin nito ang kanyang ba­baeng pasahero, ka­ma­kalawa sa Pasay City.

Nahaharap sa kaukulang kaso ang suspek na si Ro­berto Dajaro, 45, ng Trece Martires, Cavite. Kinilala naman ang bik­tima na si Mary Joy Villa­nueva, 36, ng Makati City.

Ayon kay Pasay City Po­lice Chief Colonel Ber­nard Yang, nangyari ang insidente alas-5:25 ng madaling-araw sa panulukan ng Buendia Avenue at Tramo St.

Habang nagsasagawa ng SACLEO ang mga kagawad ng Pasay City Police sa natu­rang lugar, nakarinig sila ng sigaw ng babae na humihingi ng tulong.

Agad pinuntahan nina Staff/Sgt. Joshua Pili, S/Sgt. Erwin Soclo, P/Corporal. John Faycho, Corporal. Ra­mir Encio, P/Cprl. Chris­tian Candingan at P/Cpl Albert Bahatan, pawang mga mi­yem­bro ng Tactical Motor­cycle Riding Unit (TMRU) sa Makati CPS.

Dito nalaman na hinol­dap umano ito ng driver ng pu­lang Toyota Vios na may plakang VZ 3450. Hinabol ng mga pulis ang suspek hanggang sa masa­kote. Nabawi ng mga pulis sa suspek ang mga gamit na tinangay nito mula sa bik­tima tulad ng bracelet, relos at cash na P500.

Nakuha rin mula sa sus­pek ang bolo knife at sachet ng hinihinalang shabu na nasa loob ng nasabing sasakyan.