Bebot naboga ng tiyuhin

SOUTH COTABATO—Isang babae ang aksidenteng nabaril at napatay ng kanyang tiyuhin, kamakalawa sa bulubunduking lugar sa Bgy. Danlag, Tampakan sa lalawigang ito.

Kinilala ang biktima na si Lenza Dialang, samantalang, ang suspek ay si Ciano Dialang, kapwa nakatira sa nasabing bayan.

Ayon sa ulat, habang nasa bundok si Ciano at namamaril ng baboy-ramo ay aksidente umanong tinamaan nito ang biktima.

Dinala ng mga saksi si Lenza sa ospital, pero idineklara itong dead-on-arrival, samantalang, pinaghananap na ng pulisya si Ciano na tumakas matapos mabaril ang biktima.