Motor nabangga, nagulungan | ANGKAS NA MISIS, TIGOK SA TRAK

PATAY ang isang ginang habang sugatan ang mister nito makaraang kapwa tu­milapon at magulungan ng nakabanggang trak sa ka­ha­baan ng Aguinaldo High­way, Bgy. San Agustin 2, Dasma­riñas, Cavite, kama­kalawa.

Kinilala ang mag-asa­wang biktima na sina Erick­son Palce, 35, driver ng mo­tor na kasalukuyang ginaga­mot habang ang misis ay si Gelli, 25, na angkas na na­sawi sa insidente. Hawak na ng pu­lisya ang driver ng trak na si Junny Macahilos, 39, resi­dente ng Bgy. San Agustin 3.

Alas-6:45 ng gabi nang maganap ang insidente sa ka­habaan ng Aguinaldo High-way, Bgy. San Agustin 2, kung saan magkaangkas ang mag-asawang biktima sa Yamaha MIO MV File no. 0401-0279253.

Habang nasa vicinity ng Via Verde highway nang pansamantalang huminto ang mga ito upang bigyang-daan ang isang sasakyan na papalabas ng highway suba­lit, nasabitan ito ng kasaba­yang trak na Isuzu Rebuilt plate no. NAO-3436 na mi­namaneho ng suspek.

Pagkasalpok sa mga ito ay tumilapon ang mag-asawa at napunta sa ilalim ng trak kung saan nagulungan ang misis na bik­tima na na­ging dahilan ng agarang pag­kamatay nito.

Naitakbo naman sa Pa­gamutang Lungsod ng Das­mariñas ang driver ng motor na kasalukuyan ngayong gi­na­gamot habang nakaku­long na ang driver ng nasabing trak.