Alamin mula kay Señor... KAALAMAN TUNGKOL SA PAGPAPAGALING
Bigyang-daan natin ngayon ang email ni Nilla na Dallia_Nina@facebook.com
Dear Señor,
May sakit ang mister ko. Ano ang dapat kong gawin para mabilis siyang gumaling? Ang sakit niya ay sa baga, pero hindi ganu’n kalala sabi ng doktor. Hihintayin ko ang magiging sagot ninyo.
Maraming salamat!
Naghihintay,
Nilla
Sa iyo Nilla,
Heto, iha, ang mga paraan kung paano gagawing “the healing home” ang bahay:
Una, dapat walang kalat, kaya palagi kayong maglilinis.
Ang kalat ay hindi lang tungkol sa dumi, ito rin ay para sa mga gamit na malinis, pero nakahambalang o wala sa tamang lugar at kung saan-saan nakikita.
Papasukin ang sikat ng Haring Araw sa bahay, kaya hindi maganda na palaging naka-aircon. Ang sikat ng Haring Araw ay pumapatay sa mga mikrobyong naninirahan sa bahay.
Dahil napapatay ng sikat ng Haring Araw ang mga mikrobyo, ang mga gamit ay dapat ilabas para masikatan nito tulad ng unan, kumot, kutson at iba pa.
Ang hangin ay tulad din ng sikat ng Haring Araw na nakapapatay ng mikrobyo, kaya dapat nakakapasok ang hangin sa loob ng bahay, lalo na kung natutulog o namamahinga ang may sakit.
Maganda rin na napahahanginan ang mga gamit sa loob ng cabinet, gayundin ang ilalim ng lababo.
Dagdag pa rito, gumamit ng vaccum para masiguradong mawawala talaga ang alikabok.
Maglagay ng halaman sa loob ng bahay dahil ang mga halaman ay sumisipsip ng maruming hangin.
Maglagay din ng mga dekorasyon sa dingding na nakaaaliw sa mga mata tulad ng mga bulaklak, larawan ng bukirin, ilog, dagat at mga ibon na lumilipad.
Ang pinakamahalaga sa lahat ay ang pagdarasal nang sama-sama sa kinikilalang Diyos ng mga naninirahan sa bahay.
Good luck and God bless!
Comments