Oks ang rollback sa gas kung 'di susundan ng price hike!

KA AMBO / BISTADO

MAY bawas presyo sa petrolyo.

Okay ‘yan kung hindi susundan ng paglobo ng presyo next week!

◘◘◘

ISINULONG ng United Nations (UN) ang international investigation sa ‘war on drugs’ at human rights violation sa Pilipinas.

Tiyak na makatiti­kim sila ng lumalagu­tok na P.I.!

◘◘◘

MABIGAT ang kina­haharap ng paghamon ng Duterte administration sa nalalabing termino ni P-Duterte.

Mismong UN ang kalaban!

◘◘◘

IMBES na humupa ang international outcry kontra Duterte, guma­grabe ito.Ibig sabihin, talagang kailangan ng Duterte administration ang Speaker sa Kamara na may karanasan sa international affairs.

Dahil d’yan, lala­bas na pinakakuwali­pi­kado rito ang da­ting Foreign Affairs secretary na si Alan Peter Cayetano!

◘◘◘

TUMIWALAG na rin ang Pilipinas sa pagiging miyembro ng International Criminal Court (ICC) at kaila­ngang katigan ito ng Kongreso.

Sa diskusyon at mga pagdinig, maga­an na maidedepensa ni Cayetano ang ‘war on drugs’ at human rights record!

◘◘◘

ISANG dating sena­dor at kongresista si Cayetano bukod pa sa pagiging dating LGU executive.

Malawak ang kara­nasan at maipaliliwa­nag niya ito sa harap ng international media na maaaring hingin ang opinion ng Kama­ra.

Angkop dito ang kakayahan ni Caye­tano na wala sa ibang aspirante!

◘◘◘

KAILANGANG subok na ang katapatan kay P-Duterte ng lider ng Kamara.

Nagwagi sa Taguig si P-Digong noong 2016 at nakopo ng kanyang mga kandidatong sena­dor ang malaking boto sa naturang siyudad.

Malinaw ang supor­­ta ng Taguig sa Duterte administration!

◘◘◘

SA totoo lang, hindi lang si P-Digong ang nakademanda sa International Criminal Court, bagkus, kasama na si Cayetano sa kinasuhan ni Atty. Jude Sabio.

Kapag binuwenas si P-Digong, kasama si Cayetano; kapag minalas, damay din ang kongresista ng Taguig.

He-he-he!