Problemado sa misis na OFW | 5 yrs. old ginulpi ni daddy, patay

DEDO ang 5-taong gulang na lalaki matapos umanong bugbugin ng kanyang ama sa Davao del Norte.

Ayon sa pulisya, nagalit umano ang 32-anyos na suspek na ama makaraang matapon ng biktima ang pinaglaruang bigas.

Una umano nitong pinalo ang nakatatandang kapatid ng biktima saka pinagbuntunan ng galit ang biktima nang sabihin ng kapatid nitong siya ang may kasalanan.

Pinapasok ng ama ang bata sa kuwarto at doon umano pinagpapalo, pinagsisipa at pinagsusuntok hanggang sa mamatay.

Inilibing agad ang bata, dalawang araw matapos ang krimen.

Nakakulong na ngayon ang suspek na aniya’y nadala lang siya sa kanyang problema sa asawa na nasa abroad. (BRT)