OWNER NG WARRIORS, NAG-SORRY KAY LOWRY

ISA palang bilyonaryo ang Golden State fan na tumulak kay Toronto Raptors guard Kyle Lowry na sumadsad sa courtside seats noong Huwebes at isa siya sa share owner ng Warriors.

Kinilala ng Warriors ang lalaki na si Mark Stevens at kahapon ay nag-isyu ito ng statement na humihingi ng paumanhin sa kanyang ikinilos at kinumpirmang hindi na siya manonood ng anumang mga laro sa NBA Finals.

“Mr. Stevens’ behavior last night did not reflect the high standards that we hope to exemplify as an organization,” saad ng Warriors sa inilabas nilang state­ment. ”We’re extremely disappointed in his actions and, along with Mr. Stevens, offer our sincere apology to Kyle Lowry and the Toronto Raptors organization for this unfortunate misconduct. There is no place for such interaction between fans — or anyone — and players at an NBA game.”

Naglabas din ang NBA ng statement para kay Stevens at sinabing hindi na ito pinapayagan na makapasok sa NBA arena mula ngayon. (MC)