Alamin mula kay Señor... KAALAMAN TUNGKOL SA PAGKAKAROON NG ANAK

Sr. Socrates Magnus II

Bigyang-daan natin ngayon ang email ni Hilda ng Hilda_Mariveles@ face­­book.com

Dear Señor,

May asawa na ako, pero wala pa ka­ming anak, two years na kami ngayong darating na July.

Gusto kong humingi sa inyo ng gabay para mag­kaanak na kami ng asawa ko.

Maraming salamat!

Naghihintay,

Hilda

Sa iyo Hilda,

Noon, mahiwagang ba­gay kapag hindi mabuntis ang babae. Kaya kung anu-anong pamahiin ang nag­la­la­basan at pinaniniwalaan ng marami nating kababa­yan.

Sinasabing, ang pagkain nang mas maraming kanin na kakaunti ang ulam ay da­hilan kung bakit hindi ma­buntis ang babae.

Kaya ang solusyon sabi ng matatanda ay damihan ang ulam at ang pagkain ng prutas.

Nakatutuwa, ‘di ba? Pero, alam mo, may base­han ang paniniwalang ito dahil kung kulang sa ulam, halos wa­lang sustan­siya ang katawan dahil ang kanin ay walang gaanong sus­tansiya.

Kailangan ang sustan­siya para mabuntis dahil ang itlog ng babae ay nanganga­ilangan ng maraming sus­tansiya.

Sinasabi ring kung gus­tong mabuntis ng babae, hu­wag siyang kumain ng mga kakanin.

May basehan ang pani­wa­laang ito dahil kapag ang tao ay kain nang kain ng ma­tatamis na pagkain, siya ay tataba nang tataba.

Kapag ang taba ay na­punta sa obaryo o sa paligid ng obaryo, ang itlog ng ba­bae ay mahihirapan dahil ang taba ang nagpapasikip sa daluyan kung saan daraan ang itlog para hintayin niya ang semilya ng lalaki.

Kung gustong mabun­tis, magsimba sa Obando, Bulacan kung saan duma­rayo ang mga hindi magka­anak.

Pero, hindi simpleng pag­sisimba lang kundi dapat sumayaw ang gustong ma­buntis.

Bukod sa pananampala­taya na bibigyan kayo ng anak ng Diyos, ang pagsasa­yaw ay malaking bagay para sa mga babae dahil ma­aaring matunaw ang taba na naka­ha­hadlang sa kanyang pag­bubuntis.

Kaya kahit hindi layu­nin ang mabuntis, sobrang maganda sa babae at la­laki ang pagsasayaw.

Sa itaas, makikitang ang pagkain ng masusustansiya at ang pagtunaw ng taba ay mahalaga sa sistema ng babae.

Kaya kumain ka ng tama at kahit hindi ka pu­munta sa Obando, masahi­hin mo ang bahagi ng katawan na nasa paligid ng iyong re­productive system.

Ang tinatawag na best time for sexual intercourse na ang pangunahing layunin para mabuntis ay tuwing full moon.

Good luck and God bless!