Nilasing, pinag-shabu, huli sa FB | SPECIAL CHILD NI-RAPE NG 3

PINASAKAN ng bote ng ketchup at pi­nilit na magdroga ng tatlong adik ang isang 17-anyos na Special Education student (SPED) bago at pagkatapos pagsa­man­talahan noong Sabado ng gabi sa Tondo, Manila.

Naaresto naman ang da­lawa sa tatlong suspek ma­tapos makilala ni alyas Precy sa Facebook ang isa sa mga suspek.

Nasa kustodiya na ng Manila Police District-Station 1 na pinamumu­nuan ni P/LCol. Reynaldo Magdaluyo ang mga suspek na sina Manuel Saylo, 19, at Cesar Gabino, 30.

Tinutugis na ang isa pa nilang kasabwat na si Danny Pelayo, 25. Batay sa imbestigasyon, alas-11:00 ng gabi ng Hunyo 1 nang isagawa ng mga sus­pek ang panggagahasa sa biktima sa Tondo.

Nauna rito, bumili uma­no ang biktima kasama ang pinsan nito sa isang sari-sari store nang lapitan umano sila ni Saylo at sinabihang, ‘balik kayo, ha’.

Hindi naman umano pi­nansin ng magpinsan ang la­laki at umuwi na. Lingid sa kaalaman ng pin­san ng biktima ay sinun­­dan na pala ng suspek si ‘Precy’ at isinama saka isina­gawa ang panghahalay.

Agad namang nag-report sa pulisya ang ina ni ‘Precy’ nang malamang nawawala ang biktima subalit, habang naghahanap ay nakita nila ang biktima na pauwi na ng bahay na tila pagod at tulala. Sinabi nito sa ina na galing siya sa bahay ng kanyang kaklase.

Natuklasan lamang nila ang nangyari sa biktima nang magbukas ng Facebook ac­count ang hipag niya at ek­saktong lumabas ang mukha ni Saylo. Sa puntong ito nagku­wento na ang biktima ng mga kababuyang ginawa sa kanya ng mga suspek at sinabing tina­kot siya ng mga ito na pa­patayin kapag hindi su­mu­nod sa gusto nila.

Ayon pa sa biktima, si­nundan siya at dinala sa isang ba­hay at doon pinagsaman­talahan. Sa presinto, itinanggi na­man ng mga suspek na gi­nahasa nila ang biktima at si­nabing hinipuan lamang nila ito dala ng kanilang kalasi­ngan.

Itinuro rin ng mga sus­pek si Pelayo na siyang ‘gu­malaw’ sa biktima at mata­pos gahasain ay pinasukan pa umano nito ng bote ng ket­chup ang kaselanan ng dalagita. Ayon kay Magdaluyo, lu­mabas sa pagsusuri na po­sitibong ginahasa ang bik­tima.

Nahaharap na sa kasong rape in relation to child abuse ang mga suspek at pinag-aaralan na rin ang paghahain sa kanila ng ka­song may kina­laman sa pag­gamit ng iligal na droga.