Malinaw ayon sa palad... LALAKING MAKATUTULUYAN ANG GF NA NABUNTIS

Maestro Honorio Ong

KATANUNGAN

1. May mabigat akong problema ngayon, nabun­tis ko ang aking girlfriend nang wala sa panahon, gayung nag-with­draw na­man ako noong last na nag­talik kami.

2. Medyo may pagka-flirt ang girl­friend ko dahil bu­kod sa akin ay nag-e-entertain pa siya ng ibang man­liligaw. Kaya ini­isip ko na baka hin­di sa akin ang baby na nabuo namin, pero nu’ng binilang ko ang araw mula nang mag­talik kami, sakto naman ‘yung pagbubuntis niya.

3. Maestro, ano sa pa­lagay ninyo, ako kaya ang ama nu'ng baby at kami na kaya ang mag­ka­ka­tuluyan kahit nga­yon ay nagdadalawang-isip pa ako kung siya na ba ang mapapangasawa ko? Sa totoo lang, hindi siya ang tipo ng babae na gusto kong mapangasawa at maka­sama, habambu­hay.

KASAGUTAN

1. Dapat hindi mo muna ginalaw ang girlfriend mo kung hindi ka pa pala desi­dido na siya na ang babaeng gusto mong pakasalan. Pero, wala na tayong magagawa, nand’yan na ‘yan at nabun­tis mo na ang iyong girl­friend, kaya ang pinakama­buti mong magagawa ngayon ay ang paghandaan ang na­pipitong pagiging ama mo sa malapit na hinaharap at si­yem­pre, nangangahulugan din ito na magkakaroon ka na ng sariling pamilya.

2. Samantala, ganito ang nais sabihin ng guhit ng iyong mga palad kung saan ang kasalu­kuyan mo ng girlfriend ang iyong makatutuluyan. Ito ang nais ipahayag ng kaisa-isang Marriage Line (Dra­wing A. at B. 1-M arrow a.) sa kaliwa at kanan mong palad. Tanda na tulad ng nabanggit na, da­hil iisa lang ang Marriage Line (arrow a.) sa kaliwa at kanan mong palad, walang duda, ang girl­friend mo na buntis, ang na­katakda mong makatulu­yan at makasama sa pagbuo ng simple, pero masayang pa­milya.

3. Ang pag-aanalisang kahit na hindi mo masya­dong gusto ang girlfriend mo ay magiging masaya rin na­man ang inyong relasyon ay madali namang kinumpir­ma ng Heart Line (Drawing A. at B. h-h) na dumila at ga­nap na tumuntong sa Mount of Jupiter (Drawing A. at B. h-h arrow b.) sa ka­liwa at kanan mong palad na nagsasabing, sa iyong pag-a­asawa, may pangako na ma­saya at panghabam­buhay na pagpapamilya.

DAPAT GAWIN

Justine, huwag mong pag­hinalaan ng masama ang girlfriend mo dahil anuman ang maging resulta ng pag­dadalawang-isip mo sa ka­salukuyan, sa bandang huli, wala ka ring magagawa sa itinakda ng kapalaran, ‘yung sinasabi mong hindi mo siya masyadong mahal, magiging mahal na mahal mo na rin siya sa sandaling isinilang na ang panganay ninyong anak at kayo ay magsasama nang maunlad at masaya.