Beybi sapol din | 3 NIRATRAT, UTAS

TODAS ang tatlo katao habang sugatan ang kasama nilang sanggol sa pananambang sa Sta. Rosa City, Laguna, kahapon ng umaga.

Batay sa paunang impormasyon mula sa Sta. Rosa City Police, patay sa ambush ang pinuno ng mga tanod ng Bgy. Pulong Santa Cruz sa lungsod ang kanyang biyenan at isa pang barangay tanod.

Nasugatan naman sa insidente ang 8-buwang gulang na anak ng lider ng mga barangay tanod. Sinasabing hinarang ng van at motorsiklo ang kotseng sinasakyan ng mga biktima sa Bgy. Dita saka pinagbabaril ang mga ito.

Nabatid mula kay Police Master Sgt. Jose Farol III na tinatayang apat na suspek ang nagsagawa ng pananambang sa mga biktima. Patuloy nang sinisiyasat ng mga awtoridad ang motibo at utak sa insidente.