Nakita ang sarili sa salamin

Socrates Magnus

Salaminin natin ang pa­naginip ni Raven ng Raven_Alcala@facebook. com

Dear Professor,

‘Yung pinsan ko ay na­naginip na binigyan daw siya ng salamin ng kan­yang tita at masayang-masaya raw siya nu’ng ibinigay ito sa kanya at nakita niya ang sarili niya sa salamin.

Ano ang ibig sabihin nito?

Naghihintay,

Raven

Sa iyo Raven,

Nakikita ng mga mata ang lahat, pero hindi nakikita ng mga mata ang sarili niyang mga mata. Kaya inimbento ang salamin o mirror.

Kitang-kita na sobrang mahalaga na mayroon ta­yong salamin nang sa gayun ay nagkakaroon tayo ng ref­lection sa buhay natin.

Pero, alam mo ba na ang unang salamin sa mundo ay hindi inimbento ng tao? Ito ay ang malinaw na balon ng tubig kung saan makikita ng tao ang kanyang sarili. Hindi madaya ang salaming ito, hin­di tulad ng salamin ngayon na may daya dahil minsan, ang nagsasalamin ay guma­ganda o mas maganda sa to­toong ganda niya.

Ayon sa kasaysayan, may taong nagsalamin sa balon na sobrang linaw ng tubig, na­kita niya ang kanyang sarili na sobrang ganda kaya na-in love siya sa sarili niya. Ang pangalan ng nagsalamin na na-in love sa sarili niya ay Nar­­cisa kaya ang salitang “Narcissistic personality” ay mula mismo sa pangalan ni Narcisa. Ito ay ang pagma­mahal sa sarili at ayaw ng magmahal ng iba.

Kaya sobrang delikado kapag palagi tayong nakati­ngin sa salamin dahil talagang ma­laki ang tsansa na ang taong madalas magsalamin ay pu­we­deng ma-in love sa kan­yang sarili.

Kaya puwede mong sabi­hin sa pinsan mo na ang pa­na­ginip niya ay nagbababala na siya ay mai-in love sa kan­yang sarili na hindi dapat mang­yari.

Sa huli, malulungkot siya at mangungulila sa pag-iisa at kaya niyang sapitin ang ga­­nitong masaklap na kalaga­yan ay dahil babae siya at ang babae ay kailangang mara­na­san ang tinatawag na wo­man­hood kung kailan dapat si­yang makaranas ng pagma­mahal ng lalaki at siya ay ma­yakap, mahalikan, makapag-asawa at magkaanak at ma­ging isang ina. Ito ang kabuuan ng womanhood na hindi ma­raranasan ng mga babae na takot ma-in love sa iba, pero in love sa sarili niya.

Muli, sabihin mo sa pin­san mo na ito mismo ang ka­hulu­gan ng kanyang mga na­pana­ginipan nang sa gayun ay ma­gising siya sa katoto­ha­nan na siya ay babae na kailangan magka-boyfriend at magka­pa­milya.

Hanggang sa muli,

Professor Seigusmundo del Mundo