Teritoryo ng ‘Pinas kahit inaagaw, hirit ni Duterte | I LOVE CHINA

KINUWESTIYON ni Pangulong Rodrigo Duterte ang pag-angkin ng China sa mga pinag-aagawang teritor­yo sa South China Sea.

Sa kanyang talumpati sa Nikkei Conference on the Future of Asia sa Japan, sina­bi ng pangulo na mahal niya ang China ngunit, tanong nito, tama ba sa isang bansa na angkinin ang buong karagatan?

“I love China; it has helped us a bit. But it behooves upon us to ask: Is it right for a country to claim the whole ocean? Only just leave the high seas as it was during the old days of international law,” ani Duterte.

Umaasa rin ang pangulo na makabubuo ang China ng sea conduct sa lalong mada­ling panahon.

Ang pahayag ni Duterte ay sa gitna ng pagtalakay ng mga miyembro ng Associa­tion of Southeast Asian Nations (ASEAN) sa code of conduct upang maresolba ang agawan ng teritoryo sa rehiyon.

Malungkot at naguluhan umano ang pangulo sa isyu pero umaasa ito na agad nang magkakaroon ng conduct of the seas.

“I am sad and bewil­dered, not angry because I cannot do any­thing but I just hope that China will come up with conduct of the seas soon,” sabi pa ng pangulo.

Aminado rin siya na maliit lamang ang Pilipinas at hindi rin kakayanin ng ating bansa ang magdeklara ng giyera laban sa China.

“We need to buy wea­pons but there are some priorities like food, education, hospitalization. There’s never enough so, I cannot go on some sort of adventure to fight not my war but what the claimant precipitated by a geographic tension,” dagdag pa ng pangulo.

Kaugnay nito, iginiit ng Chief Executive na hindi dapat makialam ang Estados Unidos sa usapin sa South China Sea dahil wala aniyang mangyayari kung sasama ito sa talakayan.

Matatandaang, ang Pili­pinas, China, Brunei, Tai­wan, Malaysia, Indonesia at Vietnam ay may claims sa pinag-aagawang teritoryo.

Kaugnay nito, nagde­sisyon ang United Nations arbitral tribunal pabor sa Pilipinas noong July 2016 sa isyu ng West Philippine Sea, partikular sa Scar­borough Shoal.

“Somebody should reach out to the United States because if you leave it to them to talk, nothing will happen. But there has to be somebody, not identified with any country that China does not like because there will never be a sort of an America, China talking seriously about territories. It will just end up in a shouting match,” pahayag pa ng pangulo.