Mag-utol sapol sa kotse

SUGATAN ang magka­patid nang tumilapon ma­karaang mabangga ng kotse ang sinasakyan nilang mo­torsiklo sa Ermita, Manila.

Ginagamot sa Ospital ng Maynila matapos isugod ng rescue ambulance ng Phi­lippine Red Cross Ma­nila Chapter ang mga bik­timang sina Dian, 45, at Andi Ma­casasa, 35, ng Baseco Com­pound sa Port Area.

Batay sa imbestigasyon, alas-11:15 ng umaga, mina­maneho ni Meynard Advin­cula ang Honda Jazz nang salpukin nito ang motorsiklo na minamaneho ng batang Macasasa.

Ani Andi, galing sila ng round table patungong Ka­law St., at habang bina­bay­bay nilang magkapatid ang lugar sa kahabaan ng Padre Burgos patungong Manila City Hall nang salpukin ng kotse.

Nagtamo ng mga sugat sa iba’t ibang parte ng ka­ta­wan ang mga biktima at pa­nanakit ng likod dahil sa la­kas ng pagkakabangga at tu­milapon pa ng ilang metro.

Samantala, nalaman na walang lisensiya si Andi nang mabundol kaya sila pa ang posibleng makasuhan.