Bebot na naiinis sa ka-thesis na hindi tumutulong

Dear Roma,

Ako si Charm, may­roon akong kaklaseng adik na adik sa celebrities, ‘yung tipong kahit hindi siya makabili ng project, ayos lang para sa kanya, makabili lang siya ng ma­gazine ng mga favorite niyang celebrity. Ang na­ka­iinis pa, maging ang thesis namin ay idinada­may niya. Hindi siya nag-aambag para sa thesis na­min at ang katwiran niya ay nag-iipon siya para sa concert ng idol niya. Sa totoo lang, naiimbiyerna na talaga ako sa kanya. Ilang beses na rin kaming muntik magpang-abot, kaya lang tinitiis ko kasi malapit na ang graduation day at kung hindi ko ito kikimkimin, tiyak na pa­reho kaming mae-ex­pell. Ano ang dapat kong ga­win? — Charm

Charm,

Nakaiinis talaga ang mga kamag-aral na hindi nakiki­pag-cooperate sa mga ga­wain, lalo na sa mga pro­yek­­tong by group. Maraming pa­­raan para makapag-am­bag sa partikular na gawain. ­Kung bi­niyayaan siya ng katalinu­han, maaaring sa kanya na lang ninyo i-assign ang pag-aayos ng mga ideya at ng kabuuan ng in­yong thesis, kung hindi na­man ay maa­aring sa kanya n‘yo na lang ipaubaya ang paggawa ng survey. Kung sakali namang ayaw niyang tumulong sa pi­nansiyal na pangangaila­ngan at wala rin siyang ini­aambag sa mga ideya na in­yong kina­kaila­ngan para sa thesis, maka­bu­bu­ting kau­sapin n‘yo na siya nang mahinahon at ipa­unawa ninyo sa kanya na ang lahat ay dapat kumilos dahil ang thesis ay mahala­gang re­quire­ment para maka-gra­duate kayo. Kung hindi pa rin siya gagawa ng anumang aksiyon, maaari ninyong ali­sin ang kan­yang pangalan sa require­ment na ito. Kung dumating sa ga­nitong punto, upang ma­iwa­san ang anumang gulo, ma­rapat na ipagbigay-alam din ninyo sa inyong guro ang tungkol dito. God bless you!