Panawagan sa mga gov’t. official, huwag gastador!

PABLO L. HERNANDEZ III / PRANGKAHAN

OVP ANG GAYAHIN, HUWAG OSG — Kung ang tanggapan ni Vice-Pres. Leni Robredo ay binigyan ng high ratings ng Commission on Au­dit (COA) dahil umano walang ba­hid ng korupsiyon at maayos na paggasta sa kaban ng bayan, pinag­sabihan naman ng COA si Solicitor General (SolGen) Jose Calida na tantanan na ang pagdaraos ng mga seminar at training sa mamahalin o 5-Star Hotel sa Metro Manila.

Kaya ang panawagan natin sa mga gov’t. official, ang tamang pag­gasta ng Office of the Vice-President (OVP) ang dapat nilang gayahin at hindi ang pagiging gastador ng Of­fice of Solicitor General (OSG), period!

◘◘◘

VOTE-BUYING SA PAGKA-SPEAKER — Ibinulgar ni dating Speaker Pantaleon Alvarez na para makuha ang boto ng kongresista ay P500K hanggang P1 milyon daw ang ibinabayad dito ng mga kandidato sa pagka-House Speaker.

Kung ganyan, hindi talaga ma­titigil ang vote-buying sa halalan kasi mismong sa Kongreso ay uso rin pala ang vote-buying, buwisit!

◘◘◘

MARAMI ANG NAPATAAS ANG KILAY SA ‘LABANAN ANG KO­RUPSIYON’ STATE­MENT NI P-DUTERTE — Marami ang na­pataas ang kilay sa mensahe ni P-Du­­terte sa mga bagong appoin­tee nito sa gobyerno na labanan daw ang ko­rupsiyon.

Talagang mapapataas ang kilay ng publiko kasi ang mga gov’t. offi­cial na nasasangkot sa katiwalian ay hin­di naman kinakasuhan ni P-Du­terte at sa halip ay inililipat lang ng puwesto at ang mga nasasangkot naman sa iligal na droga ay imbes na ipatok­hang, ipino-promote pa, boom!

◘◘◘

BABABA SA PUWESTO SI DAN FERNANDEZ NANG HIN­DI NAPAPA”TOKHANG” SI ‘OPEL’ — Isang “Opel” daw ang may raket na drop balls sa Sta. Rosa City sa Laguna.

Hay naku, bababa na lang sa pu­westo si outgoing Mayor Dan Fer­nandez nang hindi niya napapa “tok­hang” ang iligalistang ito, pwe!