Pagtuturo ng Filipino at Panitikan sa kolehiyo, huwag tuldukan!

RYAN B. SISON / BOSES

‘IKA nga, gamitin, linangin at ipag­malaki, pero paano natin ito magagawa kung ngayon pa lang ay ititigil na ang pagtuturo nito, par­tikular sa mga kole­hiyo?

Kaya naman nais umapela ng alyansa ng mga Tagapagtanggol ng Wikang Filipino o Tanggol Wika sa pinal na de­sisyon ng Korte Suprema na tanggalin ang Filipino at Pa­nitikan bilang bahagi ng core subjects sa kolehiyo.

Sinabi ng Tanggol Wika na kahit bawal na sa ilalim ng rules of court ay maghahain pa rin umano sila ng ika­lawang motion for reconsideration nang sa gayun ay matigil na ang ginagawang ‘cultural genocide’ o pagsira sa kultura ng mga Pilipino.

Dagdag pa rito, batay sa Saligang- Batas, sa lahat ng education institutions, dapat isama ang pag-aaral ng Kons­titusyon kabilang ang Filipino at Pani­tikan sa lahat ng curriculum, kaya lang ang problema ng SC, masyado uma­nong malawak ang Konstitusyon tung­kol sa pagsasama ng tatlong asignatura sa curriculum at hindi nila matiyak kung saang antas ito dapat ituro.

Gayunman, kung ito ang kanilang pino­problema, hindi solusyon na tang­galin na lang ito nang basta-basta, gayung alam natin na marami pa rin sa kabataan ang kinaka­ila­ngang matuto nito.

Maliban pa rito, paano ‘yung mga profes­sor na nagtuturo ng mga subject na ito, ga­yundin, ‘yung mga estud­yan­teng kumukuha ng kur­song kaugnay dito?

Kung matatanggal ito, parang sinabi na rin nilang hindi na ito kailangan ng mga Pili­pino dahil sapat na ang ka­ala­man natin hing­gil dito na hindi naman totoo.

Kaya para sa kapakanan ng mga su­sunod pang henerasyon, pagtuturo ng Filipino at Panitikan, huwag tuldukan!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.