Mangingisda patay sa kidlat

LEYTE—Isang mangingisda ang namatay nang tamaan ng kidlat habang nangingisda sa karagatang sakop ng bayan ng Babatngon sa lalawigang ito.

Ang biktima ay kinilalang si Diosdado Sabenario, nakatira sa nasabing bayan.

Nabatid na habang nangingisda si Sabenario ay bumuhos ang malakas na ulan at ang kasunod ay pagkidlat na tumama sa biktima.

Nabatid na dinala pa ng mga kapwa niya mangingisda si Sabenario sa ospital, pero idineklara itong dead-on-arrival.